Gipasuspendi ni Pangulong Rodrigo Duterte ang operasyon sa usa ka dakong logging company kansa usa sa mga gibasol sa nahitabong flashflood ug mudslide atol sa pag-igo sa bagyong ‘Vinta’ sa Zamboanga Peninsula nga gikamatay sa ubay-ubayng biktima ug pagkaguba sa kabalayan ug mga tanum sa katawhan sa maong lugar.
Atol sa gihimong cabinet meeting kagahapong adlawa sa Malacañang gimanduan ni Pangulong Duterte si Department of Environment and Natural Resources (DENR) Secretary Roy Cimatu, nga mag-isyu ug closure order batok sa SODACO Agricultural Corporation nga gipanag-iyahan sa pamilya ni Isidro Consunji.
Nasayran nga napungot ang pangulo human nakit-an ang usa ka video sa nabungkag nga kabukiran sa Zamboanga kung asa giputol matud pa sa SODACO ang mga kahoy aron tamnan ug oil palm, ilawom sa Social Forestry Program (ISF) sa DENR.
Samtang gimanduan usab ni Pangulong Duterte si Cematu nga mahidangat gilayon sa Zamboanga aron nga i-served ang closure order.
(Photo from Web)
