Contact tracing sa ikatulong kumpirmadong kaso sa COVID-19 nga natala sa Valencia, nahuman na

Nahuman na ang gihimong contact tracing sa mga naka-close contact sa ika-3 nga kumpirmadong kaso sa COVID-19 sa dakbayan sa Valencia.

Nasayran nga ang nagpositibo usa kini usa ka 48 anyos nga lalaki nga taga- Barangay Sinayawan sa mao nga siyudad.

Sa interview sa RMN Malaybalay ngadto kang Valencia City Vice Mayor Dr. Policarpo Murillo, gibutyag niini nga nagpositibo ang mao nga pasyente sa confirmatory test sa RT-PCR nga gipagawas sa Department of Health kagahapon, Hunyo 24, 2020.


Ang mao nga residente gikan sa Saudi Arabia ug niabot sa Manila kaniadtong Mayo 23 ning tuiga.

Nipailawom kini sa mandatory quarantine procedures sa Manila ug gikonsidera nga COVID-19 free niadtong Hunyo 12 ning tuiga base sa RT-PCR testing ug laboratory report gikan sa Research Institute for Tropical Medicine.

Nakakuha kini ug quarantine certificate niadtong Hunyo 17, 2020 gikan sa IATF-Sub-Task Group on Repatriation Unified Teams nga nagkanayon nga wala kini medical signs ug sintomas sa COVID-19 ug na-cleared nga mobiya sa quarantine facility sa Manila.

Niabot kini sa Valencia niadtong Hunyo 19 ning tuiga gikan sa Laguindingan Airport ug gilayon nga gidala sa Emergency Operations and Command Center nga nahimutang sa Valencia City Central School alang sa hingtungdang screening ug testing.

Nagpositibo kini sa IgG ug IgM sa rapid test nga gihimo sa pag-abot niini sa EOCC ug gipailawom sa quarantined sa isolation facility sa VCCS samtang gihulat ang confirmatory test.

Nigawas ang RT-PCR confirmatory test adtong Hunyo 24 nga nagpasabot nga mao kini ang ika-3 nga kumpirmadong kaso sa COVID-19 sa Valencia City ug kini lang ang gikonsiderang aktibong kaso.

Gipailawom ang mao nga pasyente sa istriktong isolation.

Giklaro usab ni Dr. Murillo nga wala kini naka-uli sa ilang barangay.

Samtang, mukabat sa 20 ang na-contact trace.

Gilangkuban kini sa 3 nga nauban sa sakyanan gikan sa Malaybalay paingon sa Valencia City, 17 ka mga personahe sa command center nga naglangkob sa 2 ka mga doctor, 6 ka mga nurses, medtech ug uban pa.

Hinoon naka-suot kini sila ug PPE apan dili pa gihapon angay nga magkumpiyansa maong gipailawom sa quarantine.

Facebook Comments