Otro ya tamen incidente de tiroteo ya sosede este tarde donde el victima un vice mayor na unu del maga municipalidad de Tawi-Tawi.
Con el victima ya conose como si Hadji Arasid Mohammad Ali. Ele ya sostene cuantos irida de bala nap echo y ya lleva conele na un privado hospital.
Pero asegun con el pulis quien ya responde na hospital, el victima ya despidi.
Na inicial report ta aparese si Ali muntao na su Innova junto consu otrgo cuantos compañero inclujido su police escgort estaba na un mall y encamino para na Alfaro Street na Tetuan donde sila ta esta, pero llegar serca na intersection del Veterans y Alfaro ya tene que para estos porcausa con el traffic light.
Aqui asegun tiene un persona ya atraca na vejiculo di Ali y ya empesa sopla de tiro conele.
El suspechao ya camina para na urillando del calsada y ya munta na motor que ta espera conele ta maneja su compañero y ya entabla para na Nuñez.
Mismo el vejiculo di Ali ya maneja su tsuper y ya entabla para na hospital pergo asegun con el pulis ya despidi el victim.
