General Santos City—Patay ang usa ka Construction inspector human nga gipusil patay sa motorcycle riding criminals alas 6:00 pasado ang takna sa gabie sa may Purok 6, Lanton, Barangay Apiopong Gensan. Giila ang biktima nga si Alex Esmael, 37 anyos, Residenti sa nasampit nga lugar.
Sa inisyal nga imbistigasyon sa kapulisan ang biktima nag tindog atubangan sa ilang gitukod nga gambalay sa maong lugar bitbit ang iyang anak.
Miduol matud pa kaniya nag duha ka suspek nga sakay ug motorsiklo ug nangutana pa kung hain dapit ang Purok 2.
Wala pa katubag ang biktima, gipusil na kini dayon sa suspek gamit ang kalibre 45 nga pusil. Paspas nga misibat ang mga suspek samtang ang biktima gidala sa iyang mga kabanay sa ospital apan nakabsan gihapon kini sa iyang kinabuhi.
Sa karon nagpadayon pa ang imbistigasyon sa kapulisan kalabutan sa maong insidenti.
