Davao City – Midangop sa Sta Ana PNP ang usa ka contractor human gikawat ang iyang mga mahalong gamit ug alahas sa iyang katabang.
Ang complainant mao si Marife Catolico Yara, 37 anyos nga taga NHA Agdao ning siyudad.
Sumala sa rekord nakurat na lamang ang complainant sa dihang nipauli na siya sa ilang balay nga wala na niya nakita ang iyang katabang nga mao si Angela Intihoym, 18 anyos ug residente sa Calinan ning siyudad.
Sa kadaku sa pagduda ni Yara iyang gilantaw ang iyang mga gamit ug nasayran niini nga nawala na ang 4 ka mga G-shock wrist watch nga mokantidad og dul an 40,000 ka pesos, 2 kwentas nga mokantidad og 104,000 mil ka pesos usa ka parisan sa aritos nga mokantidad og 12,000 pesos ug singsing nga mokantidad usab ug 20,000 pesos.
Gituohan sa complainant nga gibitbit kini sa suspek ayha pa man kini milakaw sa ilang panimalay.
Igo na lang nangayo og pakitabang ang complainant sa kapolisan samtang ginahimo na ang follow up investigation aron sa posibleng pagkasikop sa nahisgutang suspek.
RadyoMaN Paul Canono
