Contractor sa tower mipaklaro sa isyu sa sweldo

14

Mipatin-aw sa isyung walay sweldo ang Foreman sa MJV Constuction nga nagtrabaho sa proyekto nga iya sa usa kaTelecommunications Company diha sa Purok 14, Upper Mandacapan, Brgy. San Vicente ning syudad sa Butuan.
Si Lot Cinco ang foreman sa MJV Construction namahayag nga bakak ang pasangil sa mga nagreklamong panday nga tulo ka semana na sila’ng walay sweldo sanglit niadto pang petsa 3 sa Septembre nagsugod ang ilang trabaho ug pagka petsa 11 nagpirma sila ug DTR dayon ilang gipadala sa Main Office didto sa Davao city ug kamulo nang gihikay ang proseso aron mogawas ang pundo.
Lauman sumala pa na karong sunod semana mogawas ang pundo aton isweldo sa kapin 20 ka mga panday nga nagtrabaho sa proyekto.
Nalangay ang pagproseso sa sweldo sanglit Visayas ug Mindanao sumala pa ang giatiman didto sa Main Office mao’ng gi-awhag niini ang mga panday alang sa dyutay’ng pagsabot.
Gihimakak usab niya ang tahu nga matag semana sweldohan ang mga panday kondili 15-30 ang pamaagi sa ilang suhulan basi sa patakaran sa kompanya.
Dugang pa ni Cinco nga aron matubag ang panginahanglanon sa mga panday naningkamot kini’ng makahatag ug P500 nga cash advance (CA) lakip ang paghatag ug kinilong bugas sa matag usa kanila.
Ang pamahayag ni Lot Cinco ang foreman sa MJV Construction sa interview sa RMN DXBC Butuan.
Kahibaloan nga kagahapon usab nanguna si Punong Barangay Rauzil Carampatana sa paghatag ug 10 ka kilong bugas, delata, noddles ug coffee alang sa mga panday human nabati ang ilang reklamo dinhi sa RMN DXBC Butuan.


Facebook Comments