Report ni: Jennifer Palomo Debaja
Linibo ka residente ang nag akupar sang dalanon sang Domingo Hunyo 9, 2019 batuk sa plano sang gobyerno sang Hong Kong nga tuyo dal-on o e extradite sa China ang mga suspek kag didto mangatubang sang hearing.
Halos 4 man ka oras nga nauntat ang biyahe sang pila ka bus kag tram tungod sa rally.
Base sa ginpropose nga hagna sang Pebrero sini nga tuig, tuyo nga hatagan sang power ang chief executive nga si Carrie Lam sa pag extradite sang mga fugitives o suspects sa mainland China nga ginapamatukan sang mga residente bangud sa poor legal kag human rights record sini.
Ginkabig nga pinaka controversial bill ang gin propose nga extradition law sang Hong Kong legislation humalin pa sang tuig 2003 kon sa diin kabahin ini sa nangin national security bill nga gin basura man matapos malapit tunga sa milyon sang residente ang nagpakamalaut sini paagi man sa pag rally.
Sa ginpakita nga massive turn out sang nag suporta sa rally sang Domingo, nagapati ang organizers nga mapilitan ang gobyerno sang Hong Kong nga ibasura ang nasambit nga controversial law.
Madumduman nga nagpatigayon man sang rally ang mga residente sang nagligad nga Abril kon sa diin masobra sa 130,000 ang nag protesta.
Nagsugod ang martsa sang mga raliyesta Domingo sang udto halin sa Victoria Park sa Causeway padulong sa Legislative Council, kon sa diin paga umpisahan na ang debati sa gin propose nga hagna sa maabot nga Miyerkules Hunyo 12, 2019.
