Nanghangyo si kanhi Senate President Senator Nene Pimentel Jr. ngadto kang Mayor Oscar Moreno ug sa mga sakop sa 19th city council nga ipangalan ngadto kang kanhi Mayor Pablo Ambing Magtajas ang convention center nga nahimutang sa Barangay Indahag ning dakbayan.
Kini ang gibutyag ni kanhi Senador Pimentel Jr. kagahapong adlawa atol sa inauguration nilang Mayor Oscar Moreno, Vice Mayor Kikang Uy ug pipila ka sakop sa 19th city council sa Kiosko Kagawasan kagahapong adlawa.
Matud pa ni Senador Pimentel nga daghan usab nabuhat si kanhi Mayor Magtajas sa dakbayan ug angayan matud pa kining pasidunggan og ingalan ang maong convention center.
Alyon niini, nanghinaot si Senador Pimentel nga sa daling panahon matuman nilang Mayor Moreno uban sa 19th city council ang iyang hangyo aron ma formalize ug magamit na ang maong convention center.
