Davao City – Gitulak ngadto sa pangpang sa may By Pass Road Catalunan Pequeño ang alyas Lito, 29 anyos, nga taga San Roque, Bangkal ning siyudad dihang nagkalalis kini sa iyang kaugalingong igsoon nga si alyas Nik, usa ka manager sa usa ka pribadong kompanya, nga nagpuyo usab sa maong lugar ning syudad.
Base sa report bandang alas-11:00 pasado ang takna sa gabii na-abot ang magsuon sa balay sa ilang amahan diha sa may Hope Mountain apan nagkalalis matud pa ang magsuon tungod lang sa mga binuhing kanding nga ilang gipa-amumahan sa ilang amahan ug tungod sa posibleng halin niini.
Kalit matud pa gituok ang complainant ug buot kining ihulog ngadto sa pangpang nga dunay gitas-on nga 80 ngadto 100 ka piye.
Maayo na lang kay nakagunit pa ang complainant ug pugngan ra usab ang maong away apan buot gihapon mo pasaka ug kaso ang complainant batok sa iyang igsoon.
RadyoMaN Paul Canono
