Converge ICT solutions mangin operational na sa third quarter sini nga tuig sa Bacolod

71

Gin-anunsyo ni Bacolod City Mayor Evelio Leonardia nga mangin operational na ang isa ka big-time telecommunications service provider sa ciudad sang Bacolod.

Maga-umpisa na sang fiber internet service sa syudad ang Converge ICT Solutions sa third quarter sini nga 2021.


Ang nasambit nga kumpaniya ang naga-operate sang fiber optic broadband networks, cable television kag cable internet sa pungsod.

Nagpatigayon sang courtesy call si Converge ICT Solutions founder kag chief executive officer Dennis Anthony Uy kay Leonardia subong nga adlaw sa Bacolod City Government Center.

Ginpangako ni Uy nga iya suportahan ang distance learning program sang Education Department sa ciudad kag ang mga kabataan nga informal settlers halin sa nagkalain lain nga barangay sa Bacolod nga nangin biktima sang kalamidad.

Luyag man ni Uy nga mangin major sponsor sang MassKara Festival kon matapus na ang COVID-19 pandemic.



[image: image.png]

Facebook Comments