Motibo kag suspek sa pagluthang-patay sa isa ka negosyante sa Bago City ginahibalo pa sang otoridad

61

Padayon pa nga ginahibalo sang kapulisan sa ciudad sang Bago ang motibo kag subong man ang responsable sa pagpatay sa isa ka negosyante sa Hacienda Valero, Purok Timawa, Barangay Ma-ao, Bago City pasado las-3:00 kaina sang hapon.

Ginpahayag sa DYHB ni Police Major John Joel Batusbatusan, hepe sang Bago City Police Station, nga nagapadayon ang ila imbestigasyon kag subong man sang Scene of the Crime Operatives (SOCO) sa natabo nga pagluthang kay Henie Maalat, 49-anyos, pumuluyo sang Yanson 1, Eroreco, Barangay Mandalagan, Bacolod City kag nagadumala sang rock crusher nga ginapanag-iyahan sang iya tiyo sa Barangay Ma-ao.


Iga-consolidate sang SOCO kag Bago City PNP ang resulta sang tagsa nila ka mga imbestigasyon agud mahatagan sang kasanagan ang natabo nga krimen.

Wala pa man sa karon matumod ang kalibre sang armas nga gingamit sang suspetsado.

Samtang, sa inisyal nga imbestigasyon, gikan sa quarry site si Maalat agud magdul-ong sang krudo kag nagapapauli na sang siya ang ginluthang.

Nahibaluan nga ang biktima nagamaneho sang puti nga Nissan Navarra pick-up nga may plate number FGW-297 nga tigayon pa sini nga napahigad sa dalan malapit sa Crossing Mining sang natabo ang pagpangluthang.



[image: image.png]

Facebook Comments