Sa interview sa DXDC RMN Davao kang Police Master Sergeant Helenico Alaba, imbestigador sa Mawab Municipal Police Station, iyang gisaysay nga niadtong Sabado, December 16, 2023, namatikdan nalang sa gwardiya nga naukab na ang vault sa kooperatiba ug natanggag ang maong dakong kantidad sa kwarta.
Saysay sa imbestigador nga giguba sa mga kawatan ang pultahan sa kilid ug likod sa building, diin giguba sa nahisgutan ang padlock rason nga sila nakasulod. Nasayrang walay gwardya ang building matag gabii hinungdan nga wala usab nabantayan dayon ang insidente.
“Nabantayan nila pagkabuntag na man gud. Kay ang sekyu duty pang-6AM to 6PM. Pagpangabri niya diri, nabantayan niya nga abri na ang (establishment),” saysay ni
Sa pagkakaron, padayong gipanubayan sa otoridad ang closed-circuit television (CCTV) sa lugar nga makatabang aron maila ang mga responsable sa maong pagpanglungkab ug sila mapanubag sa maong salaod.
RadyoMaN Kirby Manzon
