Coordinator sa iligal nga last-two gidakop

GENERAL SANTOS CITY- Gidakop za mga sakop sa Tambler Police Station sa pagpanguna sa ilang hepe nga si Police Major Richard Ybanez ang gikaingon nga coordinator sa iligal nga last-two na sugal agi og pag implementa sa search warrant niaging gabie.

Gitago sa alyas nga Odessa ang target nga anaa sa 30 ang panuigon og residente sa Barangay Calumpang ning siyudad, pamilyado og may gagmayng anak.

Base sa imbestigasyon, pirmado ni Judge Joyce Kho Mirabueno sa Branch 58 ang warrant to search nga dala sa kapolisan.


Gironda sa mga pulis ang panimalay sa target og narekober ibabaw sa plastic divider ang sudlanan sa mga taya sa iligal nga sugal nagkantidad og P2376 kauban ang mga paraphernalia.

Matod ni alyas Odessa, dugay na syang niundang sa pagpataya og last-two sa ilang lugar.

Apan nibalik og pataya ning mga nakalabay ng semana gumikan naalanganin ang pagpanagat sa iyang bana tungod sa maot nga panahon.

Giingon usab sa suspek nga dili siya coordinator apan iyang trabaho mao ang pag-asher.

Apan gipamahayag ni Major Ybanez nga adunay sumbong gikan sa mga tawo sa lugar nga nagpataya ang nahisgutan hinungdan gipailawom sa surveillance og nagpositibo ang test-bet.

Guerilla-type usab kuno ang estilo nga gihimo sa suspek gumikan patago kining gapataya og iligal nga sugal, sumala ni Ybanez.

Alegasyon sa ginang nga dili mao ang pangalan unod sa warrant tungod pangalan kini niya sa pagkadalaga.

Tubag usab sa hepe, pamatud-an na lang niini sa korte ang alegasyon nga dili iyaha ang pangalan subay sa unod sa search warrant.

Kahibaw-aw nga padayon ang kampanya sa kapolisan batok iligal nga sugal nga mando sa CPNP, Gen. Archie Gamboa.

For more info’s and updates, like and share our official facebook account : www.facebook.com/ifm91.9Gensanofficial/

[image: LAST TWO.jpg]

Facebook Comments