Customer, patay human gipusil patay sa usa ka gwardiya

28
PC: RadyoMaN Jonathan Bullo

Gipusil patay sa usa ka gwardiya ang customer human kini gisita atol sa pag inom mga alas 12 kaganinang kadlawon sa Villanueva, Misamis Oriental.

Sa interview sa dxCC-RMN Cagayan de Oro, gibutyag ni Police Captain Rodney Gaid, Station Commander sa Villanueva Municipal Police Station nga ang suspect mao ang gwardiya nga si Arnold Adajar, 40 anyos nga residente sa Tabok, Lagonglong, Misamis Oriental.


Samtang ang biktima mao si Allan Bayotas, 51 anyos ug taga Zone 2, Katipunan, Villanueva, Misamis Oriental.

Nasayran nga gikan sa usa ka bar ang biktima dihang mibalhin kini pag inom sa usa ka convenience store apan gisita kini sa suspect nga mi resulta sa pagpamusil ug pagpanunggab.

Ang biktima naka-angkon og duha ka igo sa dughan ug unom nga igo sa likod nga bahin sa iyang lawas.

Na-recover sa otoridad ang lima ka fired cartridges sa cal. 38 nga pusil.

Samtang, nadamay ang kauban sa biktima nga gidala sa Northern Mindanao Medical Center.

Matud sa anak sa biktima nga niadtong December sa milabayng tuig, aduna nay dili maayong pag sinabtanay ang biktima ug suspect.

Kasong Homicide ug murder ang ipasaka nga kaso sa otoridad batok sa suspect.

Facebook Comments