Mahayag, Zamboaga del Sur – Nag-atubang sa tukmang kaso ang usa ka lalaki nga nagpapatad og illegal nga swertres human kini ang nasikop sa inipon nga pwersa sa mga kapulisan sa Criminal Investigation and Detection Group-Zamboanga Del Sur-Police Force Unit 9 og Mahayag MPS sa pagpangulo ni PCPT Renante Benitez, Acting Chief of Police nga mikasa og law enforcement operation alas 3:45 ang takna sa hapon adlaw nga domingo.
Didtong dapita sa Purok 2, Barangay Poblacion, Mahayag, Zamboanga del Sur.
Nadakpan ang nagngalan og Maruel Palanas Terez, 55 anyos, lalake, residente sa Barangay Lower Salug, Mahayag, Zamboanga del Sur.
Nakuha gikan sa iyang posesyon ang lima ka book gagmay nga papel nga kolor puti kon bet slip nga dunay tulo ka number combination pinitsahan og April 11, 2021, usa ka ballpen, 100 pesos nga marked money, 1,047 nga pusta, usa ka sling bag ug usa ka cellphone.
Sa pagkakaron ang maong dinakpan lakip ang mga ebedensya ang gidala ngadto sa Criminal Investigation and Detection Group-Zamboanga Del Sur-Police Force Unit 9 alang sa tukmang disposasyon.
