Coordinator sang Bayan-Capiz nga napatay sa aksidente sa salakyan, ginlubong na; mga hinimuan ni Diestro, ginahanduraw sang iya pamilya kag mga kaupdanan sa kawsa

619

Roxas City, Capiz – Gindul-ong na kahapon nga adlaw sa iya katapusan nga palahuwayan ang nagtaliwan nga coordinator sang Bayan – Capiz nga si Mr. Kashmer Diestro. Nagpakigbahin ang nilibo ka mga indibidwal sa lubong ni Diestro kun sa diin ginpatigayon ang last public viewing sang iya lawas sa Roxas City public plaza pagkatapos sang misa.
Ang nasambit nga public viewing ang gin-organisar sang pamilya ni Diestro, mga abyan kag kaupdanan sa kawsa. Ginhanduraw man sang iya pamilya kag mga kaupdanan sa kawsa ang mga hinimuan ni Diestro ilabi na ang pagbulig sini sa mga nabiktima sang bagyo nga Yolanda sa Capiz, pagbulig sa mga pigado agud mapalab-ot sa gobyerno ang ila hibubun-ot kag sentimyento.
Sa madumduman, ginbawian sang kabuhi si Mr. Kashmer Diestro sang nakaligad nga Oktubre 8 matapos naaksidente ang ila ginasakyan nga salakyan sa Brgy, Baybay, Roxas City.

Facebook Comments