Nagwithdraw sang ila nga kandidatura sanday Polomolok Councilor Atty. Leo Cordova kag Former Tampakan Councilor Richard Ross Barroso bilang kandidato sa 1st district sang South Cotabato para sa Oktubre 26 nga special election.
Suno kay Atty. Cordova ang rason sang iya nga pagwithdraw sang kandidatura ang tungod sa pag-istorya kag hingyo ni Governor Reynaldo Tamayo Jr., bilang presidente sang Partido Federal ng Pilipinas.
May-angot sini, nagasalig man siya nga indi magpabaya ang gobernador kag ang magpungko nga Kongresista sang una nga distrito sang South Cotabato kag magtupa ang mga handom niya para sa katawhan sang distrito.
Sa bahin naman ni Barroso nagdesisyon suno pa siya nga magwithdraw sang kandidatura matapos nga istoryahon sang gobernador kag pagplastar sang Partido Federal ng Pilipinas nga saramahon ang tatlo ka banwa para sa progreso kag development.
Ginpahayag niya man nga nagasalig man sila sa kapasidad ni Former Polomolok Mayor Isidro Lumayag nga mangin house of representative sang first district sang South Cotabato.
Pormal nga nagfile sang withdrawal sang ila nga candidacy ang duha ka mga kandidato sa Provincial Comelec Office sang South Cotabato kahapon nga adlaw nga gin-updan mismo ni South Cotabato Governor Reynaldo Tamayo Jr. , Former Polomolok Mayor Isidro Lumayag kag sang mga miyembro sang partido.
May-angot sini, wala na sang kontra si Lumayag sa pagkakongresista sa first district sang South Cotabato.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
