CAUAYAN CITY – Nagsagawa ng pamamahagi ng hybrid yellow corn seeds at in-organic fertilizers sa mga corn farmers ang lokal na pamahalaan ng Tuguegarao City.
Ginanap ang aktibidad sa Integrated Demo Farm at Training Center sa Brgy. Libag Sur kung saan ay personal na nakiisa si City Mayor Maila Ting-Que.
392 na sako ng certified yellow corn seeds at 140 sako ng in-organic fertilizers ang naipamahagi sa 500 magsasaka ng mais.
Layunin ng aktibidad na matulungan ang mga magsasaka na maibalik ang kanilang kabuhayan matapos ang epekto ng sunud-sunod na bagyo sa kanilang bayan.
Facebook Comments
