Midaog og silver medal sa 2nd Harbin International Children’s Choral Festival ang Corpus Christi School kon CCS Children’s Choir nga maoy nagrepresentar sa Cagayan de Oro City.
Kini gihimo niadtong Hulyo 16 ning tuiga sa Harbin City, China nga sister city sa Cagayan de Oro.
Ang CCS children’s choir gilangkuban sa grade school pupils ug high school students gikan sa Corpus Christi School Pueblo campus ubos sa baton ni Mr. Paul Tiburtius F. Salipong, music teacher sa maong tunghaan.
Nasayran nga ang choir gikan sa Russia ang midaog sa gold medal, silver medal ug bronze medal samtang ang children’s chorale gikan sa South Korea nidaog og bronze medal.
Mokabat sa 20 ka children’s choral groups gikan sa tibuok kalibutan ang misalmot sa international competition ug ang Cagayan de Oro’s CCS Children’s Choir ang nag-inusarang grupo gikan sa Pilipinas.
