Cumpundido ahora el maga barangay official del Pasobolong si cosa el motibo del persona quien porsaomente ya entra na mencionao opesina del Martes por la noche.
Asegun con el barangay treasurer si Elena Tonjoc, pasada alas hocho del dia del Miercoles cuando ya llega le na barangay hall para reporta na trabajo cuando ya espanta le abierto ya el main door del edificio.
Mas de ese si Tonjoc ya habla que ya barangca el suspechao con el mismo cuatro turnillo del candao del main door para puede habre con el puerta.
Dayun ya subi na segundo piso del edificio si Tonjoc para chequia donde ya descubri abierto tambien el opesina del barangay secretray mientras su opesina nohay puede abre.
Estraniable el intencion del suspechao porcausa nohay man cosa ya perde adentro del barangay hall.
Suspecho del barangay council que tiene otro intencion el suspechao y gendeh robo el motibo.
