Cosa el verdad?

Maga pulis ta investiga ahora muy bien con el alegao incidente donde tiene 4 persona muntao na blanco van ya saca con el un moher na Villalobos Street y ya larga lang despues ya ruba consu cell phone y dinero del Biernes tarde.
Na report ya recivi el RMN Zamboanga asegun ta camina lang el 18-anios de edad moher na Villalobos TSreet cuando tiene ya lang un blanco van ya para junto conele y ya abre el fuerta y donde tiene tres persona porsaomente ya hala conele pa adentro.
Asegun desde na villalobos Street ya lleva conel moher man bira-bira na pueblo donde mientras muntao le na van ya saca el maga suspechao su cell phone y su dinero.
Pero asegun ya lleva otracez con el moher na Villalobos Street donde ya hace abaha conele na lugar.
Ya reporta el moher na pulis el cosa ya pasa conele pero el pulis ta continua ahora el investiagcion para sabe gayot cosa el verdad ya sosede.