General Santos City–Gikumpirma ni Cotabato City Police Director S/Supt Rolly Octavio ang impormasyon nga ang syudad sa Cotabato ang nahimong Most Safety o labing luwas nga lugar sa tibuok Rehiyon 12.
Kini subay matud pa sa datus nga gihuptan karon sa Regional Headquarters sa diin miubos ug 40 porsyento ang crime rate sa Cotabato sa tibuok tuig 2017 kung itandi sa tuig 2016.
Pamahayag ni Octavio nga kini gumikan sa political will sa ilang mayor ug sa gihimong istratihiya sa PNP alayon ang lokal nga gobyerno sa Cotabato ug ang kasundalohan.
Usa matud pa sa ilang gihimong lakang mao ang joint ronda sa PNP ug LGU panahon sa kagabhion hangtud sa buntag.
Aminado si Octavio nga gipalibutan ang syudad sa Cotabato sa mga lugar nga iladong dunay gahitabo nga kasamok partikular ang mga munisipyo sa Maguindanao Province apan ila matud pang ginapaningkamutan nga dili maangin niini ang Cotabato City.(Jordan Britos)
