Ya questiona le consejal Mike Alavar con el sinceridad del govierno local y Philippine Coconut Authority (PCA) aserca el campanya contra cocolisap aqui na ciudad.
Na entrevista del RMN Zamboanga enantes aga, si Alavar ya abla cay desfues ya declara el State of Calamity aserca el cocolisap del mez de Mayo pa, hasta aura nuay pa fuede obtene el ofisina de agricultura con el mga equipajes sila ta necesita para eradica y controla con el mga peste.
El PCA tambien asegun bien matumal na disposisyon del sien milyon de pesos fondo para na mga cocoteros y aura ta pidi ya tambien sila omento fondo para el semejante problema.
si Alavar ya abla cay ta hace lang asegun “gatasan” el PCA con el asunto de cocolisap para fuede obtene fondo por el questionable disposisyon.
Para conele, nuay fuede menora con el epecto del cocolisap na ciudad cay este tiempo, mas ya ancha pa el mga barangay que afectao del peste de cocolisap na entero Zamboanga. – Bhong Simbajon/RMN NEWS
