General Santos City—Gikakurat ni City Councilor Jeng Gacal Chairman sa Committee on peace and order and police matter sa konseho ang pagkasikop kang Tambler Barangay Kapitan Abdulwahid Bualan, human nakuhaan ug shabu ang panimalay niini atol sa ronda nga gihimo sa PDEA.
Sumala ni Gacal nga dawsa dili siya makatuo nga lambigit sa iligal nga droga ang nasampit nga kapitan tungod walaman gyud gudungog ang pangalan niini nga lambigit sa droga.
Gibutyag sa konsehal nga buot niyang masayran kung anaa ba sa listahan sa mga Narcopolitician ang pangalan ni Kapitan Bualan.
Dugang pagbutyag ni Kagawad Gacal nga personal gyud niyang kaila si Kapitan Bualan. Dugang pa niini usa ka maayong tawo ang iyang pagkaila sa maong kapitan.
Gani tanang mga anak niini mga professional na hinungdan nga wala syay nakit-ang rason nga maglambigit pa sa iligal nga droga ang nahisgutan.
