ILOILO City – Ginpanindugan ni city councilor Plaridel Nava nga wala sang bahin ang iya duha ka bodyguard nga sanday Julius ‘Tata’ Delos Reyes kag Roy Delos Reyes sa pagluthang patay kay Mercedes ‘Ging-ging’ Nava.
Suno kay Nava, mabato sila kag ila pamatud-an sa korte nga wala sila sang kahilabtanan sa pagpatay sa iya pakaisa.
Nagapati naman si Nava nga wala nag-agi sa husto nga proseso ang pagdakop sa iya mga bodyguard kag ginplantedan pa ang mga ini sang ebidensya.
Suno sa konsehal, wala sang dala nga armas ang iya mga bodyguard samtang ang iya armas ang ginabilin sa salakyan.
Bangud sini, maga-file sila sang counter charges batok sa mga katapo sang ICPO sa pagpanguna ni PSSupt. Martin Defensor Jr.
Photo via IMT
Facebook Comments
