ILOILO City – Liwat nga nag-initay sanday councilor Plaridel Nava kag Councilor Candice Tupas sa deliberasyon sang konseho.
Angut ini sa mga questions nga ginraise ni Nava sa committee report ni Tupas angut sa ila fact finding investigation sa pagtaas sang presyo sang mga balaklon sa public markets sang syudad.
Ginhingyo ni Tupas si Nava nga isa-isahon ang mga pamangkot bangud indi niya masundan ang malawig nga mga palamangkutanon ni Nava.
Suno kay Tupas nagailinangot lang ang mga pamangkot ni Nava gani nabudlayan sya magsabat.
Panindugan naman ni Nava nga simple kag cordial ang iya pamangkot kay Tupas.
Ini na ang ikaduha na nga hugnat sang pag-initay sang duha kasunod sang pagbasura ni Tupas sang resolution nanday Nava kag Councilor Joshua Alim nga nagabawi sang ila pirma sa franchise ordinance sang South Balibago Waters.
Ang imbestigasyon sang konseho, bunga sang Facebook post sang RMN Iloilo nga nagtaas ang presyo sang mga uga, isda kag iban pa nga balaklon sa merkado.
Luyag mahibaluan ni councilor Rleone Gerochi kun bala bunga ini sang train law ukon angahingalit lamang ang mga negosyante gani nagfile sya sang resolution nga imbestigaran ang isyu.
pctto
