Countdown sa ‘57th Adlaw Sa Pagpasalamat’!

138

Davao City- All systems go na ang pinaka kulba-hinam nga selebrasyon sa DXDC 621 RMN Davao karon nang Miyerkules Hunyo 28 sa may NCCC Mall Activity Center ning Syudad.

Plastado na ang tibuok adlaw nga pagpasalamat sa RMN DXDC Davao ngadto sa katawhang Davaoeño pinaagi sa tulo ka bahin nga talagsaong aktibidad: Part I pinaagi sa sayo sa buntag nga Motorcade sa tanang mga on-air personalities sama sa mga Core Program Anchors inubanan sa mga kakaubanan sa RMN Reportorial Team.

Sundan kini sa Part II events diin mamahimong sentro niini mao ang pagtunol ug serbisyo-publiko ilabi na alang sa tanang mga certified avid RMN listeners pinaagi sa libreng tooth extraction, free medical checkup, free massage, free haircut, libreng reading eyeglasses, free lugaw ug uban pang pagpangalagad.


Itanyag usab ang mga serbisyo sa mga RMN Partner-Agencies sama sa SSS, Pag-IBIG Fund Davao Central, Philhealth-XI ug Public Employment Services Office kun PESO-Davao.

Gawas sa nahisgotan, aduna usay daghang mga premyo ug mga pahalipay niadtong motambong ning espesyal nga kalingawan.

Agig pagpanak-op, lingawon usab ang tanang attendees pinaagi sa mga pagpakatawa ug mga pasi-aw nila ni Alan ‘Goliat’ Nacorda ug Guilly del Mar sa usaka ‘Live Variety Show,’ duha sa pinaka popular ug iconic Cebuano radio drama artists sa daghanang mga drama sa kahanginan.



Ang kasaulogan okasyon usab alang sa pagpasalamat sa Kahitas-an sa kadaugan sama sa pabilin nga pagka-No. 1 sa RMN Davao diha mga radio listenership surveys, ngadto sa mga listeners kinsa padayong nitunol sa ilang pagsalig sa atong sibyahanan ingon man sa tanang mga personahe kinsa nagmatinud-anon sa tagsa-tagsa ka mga buluhaton ingon man ang pagtampo sa ilang kontribusyon alang sa mabulokon nga legasiya sa local broadcast industry.

Facebook Comments