Nagtitilipon do Joint Task Force Boracay, Boracay Tourist Assistance Center, Philippine Army, Barangay Officials ag mga force multipliers sa ging patigayon nga forum ag lecture kaangot sa Counter Violent Extremism.
Daya nga sang adlaw nga aktibidad hay ging hiwat sa City Mall Convention Hall ko nagtaliwan nga Lunes nga ro naging speaker hay si Major General Jon N. Aying, Commander it 3ID, Philippine Army.
Do sitwasyon makaron it Pilipinas ag ro preparasyon sa seguridad ro ana nga panguna nga ging talakay kaibahan do peace advocacy ag ro awareness sa extremism.
Samtang do katuyuan sa raya nga forum hay para nga mas mapabaskog pagid do pwersa it mga otoridad para sa Boracay ag maging haom sa tanan nga posibleng pagkinagamo.
Ro mga nag-atindar kara hay ro Joint Task Force Boracay, mga Punong Barangay, Barangay Kawagad ag BPAT Members it Barangay Balabag, Manoc manoc, Caticlan ag Yapak, BAG Adviser Leonard Tirol ag si Mark Delos Reyes, MLGOO IV-Malay.
