Ya tene que man postponed conel dos court hearings na Regional Trial Court branch 17 enantes aga despues ya umia y ya arde el maga daan documento na opesina del mencionao corte.
Asegun con Ashreen Asaali, el court aide del branch 17, tiene dos hearing aquel hora cuando derepente ya lang nota sila con el grueso umera ta sale na opesina cosatao lang del court room.
Dayun ya tene que suspende el huwest con el hearing y todo ya taranta abaha desde na Segundo piso del Hall of Justice.
Ya abandona con el diila cada-y-cual opesina del diferentes branches amobos el RTC y MTC y hasta el opesina del maga fiscal cuando ya queda mas grueso el umu y tiene ya fuego ya mira desde na maga daan document que ta quema ya.
Dayun tambien ya responde el bumbero y ya puede espaga con el fuego.
Nohay otro ya sale destrosao fuera con el maga daan document asegun con Asaali.
Ya bira tambien na normal el andansa na Hall of Justice despues del incidente.
