COVID-19: 10 PUIs namatay sa Davao region

548

Davao City – Miabot na (10) pulo ang namatay nga mga Persons Under Investigation o PUIs sa Davao region.

Sa update sa Department of Health o DOH-Davao region, as of March 27, 2020, 9am, sa kapin 170 PUIs nga natala sa rehiyon XI, 10 niini ang nakabsan sa kinabuhi, upat ang nag negatibo sa COVID-19 samtang ang resulta sa sample sa ubang namatay ginahulat pa.


Samtang natala usab sa DOH-Davao region ang usa ka namatay nga Person Under Monitoring o PUM diin kapin 13,000 PUMs ang gipailawom sa home quarantine.

Gikabalak-an usab sa mga taga Davao region nga miadto sa New Matina Gallera o sabungan ang mga impormasyong dunay mga miadto sa sabong niadtong March 6-13, 2020 ang gikatahong dunay COVID-19 butang nga padayong ginasuta pa sa otoridad ug sa Department of Health.

Sumala ni Davao City Mayor Inday Sara nga duna nay mga listahan og kinsa kadtong anaa sa sabungan ug ang mga barangay nahibalo na sa ginatawag nga PUMs sa ilang lugar nga naggikan sa maong area.

Hinuon sa karon, nagpabilin sa (6) unom ang kumpirmadong kaso sa COVID-19 sa rehiyon XI diin usa niini nakarekober na.

RadyoMaN Renz Barbarona




Facebook Comments