Provincial Government, mugahin ug 700 milyon pesos alang sa 100,000 ka pamilya sa Bukidnon

50

Mukabat sa 700 milyon pesos ang igahin sa Provincial Government of Bukidnon alang sa 100,000 ka mga kabus nga pamilya sa probinsya nga apektado sa COVID-19.

Sa press briefing kagahapon gibutyag ni Governor Jose Maria R. Zubiri Jr., gibutyag niini nga ang listahan nga ilang gibasehan ang gikan sa Department of Social Welfare and Development kon DSWD.


Matud niya nga base sa talaan sa DSWD adunay 29,077 ka pamilya ang gikonsiderang pobreng pamilya. Apan gidugangan kini ug 70,923 ka pamilya aron muabot sa kinatibuk-ang 100,000.

Ang madawatan sa usa ka kabus nga pamilya nga lakip sa listahan sa DSWD mao ang mga musunod:

1 ka sakong bugas 1 ka case nga sardinas 1 ka case nga beef loaf

Kini nga hinabang alang sa usa ka bulan nga konsumo sa usa ka pamilya.

Kini nga hinabang alang lang kini sa dili mga membro sa 4Ps nga kabus nga pamilya ug kadtong kabus nga mga pamilya nga naapektohanan ang ilang inadlaw nga income.




Mao kini ang unang batch sa mga LGU nga makadawat sa hinabang sa probinsya.

1. Impasug-ong 2. San Fernando 3. Cabanglasan 4. Lantapan 5. Pangantucan 6. Kalilangan

Lauman nga sa sunod nga mga adlaw, sugdan na ang pag-apod-apod sa mao nga tabang.

I-anunsyo ra sa PGB ug sa matag lungsod kung kanus-a ang schedule sa distribution.

Facebook Comments