Davao City – Na-admit na ang tulo ka mga pari ug usa ka seminarista sa St. Francis of Assisi Parish nga nagpositibo sa COVID-19.
Sumala ni Dr. Ashley Lopez, DOH Davao City Health COVID-19 focal person, gihulat na lang ang resulta sa 18 ka mga closed contacts sa upat ka mga nagpositibo sa maong simbahan.
Matud ni Lopez mulungtad sa duha ka semana ang lockdown sa pagpugong sa pagkuyanap sa virus.
“Immediately pag-inform sa amo nga nag-positive sila amo dayong giaksyunan, gi-lockdown nato ang St. Francis, dili na siya masudlan aron dili na siya maka-cause og further transmission,” segun ni Lopez.
Giawhag ni Lopez ang mga nanimba niadtong Disyembre 22 hangtod Enero 1 kinsa adunay mga closed contact exposure sa mga nagpositibo sulod sa 15 minutos, mga sakop sa high-risk group ug adunay mga sintomas nga mutawag sa COVID-19 Operation Center sa dakbayan aron mahatagan dayon og immediate action ug maasister sa lokal nga gobyerno.
RadyoMaN Aimee Guinita
