Davao City – Mag-usa ka bulan na nga padayong miubos ang ihap sa mga na-admit nga nagrabehan sa COVID-19 sa Southern Philippines Medical Center (SPMC).
Sumala ni Dr. Ricardo Audan, SPMC chief, gikalipay nila ang pagkunhod sa ihap sa mga na-admit nga moderate, critical ug severe nga mga COVID-19 patients kung ikumpara kaniadto nga nakasinati’g surge ang Davao nga niabot sa100% ang occupancy rate sa mga COVID-19 beds.
“Maka-happy ang atong datos sa SPMC kay ang ICU beds, 62.16% ang bed utilization ug ang atong isolation ward 43%,” sumala niini.
Dakong tabang ang vaccination sa pag-ubos sa kaso sa COVID-19 ug admission sa hospital matud ni Audan. Anaa sa 83% sa mga na-admit nga nagpositibo sa COVID-19 mga unvaccinated ug 100% sa mga natalang namatay dili bakunado.
Gibutyag niini nga gisirad-an una nila ang ubang mga kwarto ug gipang-pull-out ang mga nurses sa mga nabakanteng lawak.
RadyoMaN Aimee Guinita
