Davao City – Wala pa nahisgutan ang paghimong mandatory sa Coronavirus Disease 2019 (COVID-19) booster dose sa mga empleyado sa City Government of Davao nga mamahimong basehan sa renewal of contract sa trabahante.
Matud ni Davao City Mayor Sara Duterte-Carpio (sa interbyu sa city-owned radio), nga wala pay diskusyon kung himuong mandatory ang booster dose apan ilaha kining ipahibalo sa ilang mga empleyado ugaling ipatuman man ang maong direktiba.
“So far, wala pa ‘ta sa ingon ana nga public discussion (mandatory booster) but we will announce sa atoang mga employees kung duna may ingon ana nga direksyon pero wala pa ‘ta sa ingon ana sa pagkakaron,” tataw sa alkalde.
Kahinumduman nga sa gipagawas nga Executive Order (EO) No. 45 Series of 2021, mandatory ang pagbakuna o ang primary series vaccination sa tanang empeyado sa City Government of Davao o kadtong plantilla, job order, contract of service ug volunteers.
RadyoMaN Kirby Manzon
Facebook Comments
