Lalake giluba sa kainom, patay

374
Davao City – Aduna nay person of interest ang San Isidro Municipal Police Station (MPS) sa niluba patay sa usa ka lalaki sa Barangay Dacudao, San Isidro, Davao del Norte alas 7:45 sa buntag niadtong Lunes (Mayo 23, 2022).

Sa interbyu sa DXDC RMN Davao kang Police Captain Eunice Huit, Chief of Police (COP) sa San Isidro MPS, giila niini ang biktima nga si Pedro Sabante Epolla, 44 anyos, minyo, residente sa Purok Malinawon, Brgy. Dacudao, San Isidro, Davao del Norte.

Sa imbestigasyon, gibutyag ni Huit nga hubog niadtong higayona ang biktima sa dihang kalit lamang kining gidunggab sa iyang kainom diin nasayrang ang suspek iyaha nang kanhi nakabangi.

Nakaangkon og pipila ka samad dinunggaban ang biktima sa likod nga bahin sa iyang lawas ug dead on arrival kini sa Davao Regional Medical Center (DRMC).

“Ongoing pa ang ano namin ‘yung investigation pero na-identify na namo ang suspek. So, for filing na ‘mi,” sulti ni Huit.

Kasong murder ang atubangan sa suspek nga daling niikyas human sa krimen apan kini nailhan na sa awtoridad.



RadyoMaN Kirby Manzon

Facebook Comments