Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), nga anaa sa 12% ang positivity rate sa syudad kung basehan ang maong bag-ong kaso.
Gibutyag usab ni Schlosser nga 14 ang bag-ong namatay tungod sa COVID-19 diin katunga niini ang dili bakunado. Samtang, 7 ang bakunado apan usa lang niini ang nakapa-booster shot.
“Daghan gihapon ta’g cases, and the positivity rate is still telling us na beyond sya sa atong acceptable nga positivity rate. More so, the number of death that we have is still very significant,” matud ni Schlosser.
Nanghinaut ang health official nga mapaubos ang kaso sa syudad pinaagi sa kooperasyon sa katawhan sa pagtuman sa minimum public health standards batok COVID-19 labi na ang pagpabakuna.
RadyoMaN Kirby Manzon
