DCPO: Duha ka pulis nga alegasyong nalambigit sa tulis sa Gensan gi-relib

48
Davao City – Gimandoan karon sa Police Regional Office kun PRO XI ang Davao City Police Office (DCPO) nga i-relib ang duha ka mga pulis nga giingong nanulis og fish dealer sa General Santos City niadtong October 4, 2022.

Giila sa kapulisan sa Gensan ang maong mga pulis nga sila Police Chief Master Sergeant Renante B. Medina, 44 anyos, na-assign sa DCPO Foot Patrol and Bike Unit ug Police Master Sergeant Christopher C. Ararao, 45 anyos, na-assign sa PS 6 Bunawan Police Station.

Sa pakighinabi sa DXDC RMN Davao kang Police Major Catherine Dela Rey, spokesperson sa DCPO, gikustodiya na ang duha ka pulis sa Gensan ug nagpadala na usab ug team ang DCPO aron pa-imbestigahan ang maong insidente.

Gidugang ni Dela Rey nga lakip sa girelib mao sila Police Major Milan Naz, Station Commander sa Bunawan Police Station ug Police Major Mervin Montecillo, DCPO Foot Patrol and Bike Unit.

“Ang atoang City Director nga si Police Col Alberto Lupaz dili i-tolerate ang ilahang gipangbuhat nga mali,and then ang atoang City Director wala pod siya nagkulang og remind sa PNP personnel sa Davao City Police Office,” saysay ni Dela Rey.

RadyoMaN Don Pulayao

Facebook Comments