Nadagdagan pa ang bilang ng kaso ng COVID-19 sa Philippine National Police (PNP).
Sa huling datos mula sa PNP, nasa 8,844 na ang kabuuang bilang ng mga tinamaan ng COVID-19 makaraang madagdagan ng 23.
Aabot naman sa 8,508 na mga pulis ang nakarekober o gumaling habang ang COVID-19 active cases ay nasa 309.
Nananatili naman sa 27 ang COVID-19 related deaths sa PNP.
Pinayuhan naman ng pamunuan ng PNP ang lahat ng kanilang mga tauhan na agad makipag-ugnayan sa kanilang health service kung makararanas ng sintomas ng COVID-19.
Facebook Comments
