Davao City – Supak si Brgy.Talomo Proper Kapitan Bindor Calamba nga ang mga Chismoso ug Chismosa sa Barangay ang motabang sa mga awtoridad sa pagtunol ug impormasyon alang sa contact tracing batok COVID-19.
Sumala ni Kapitan Calamba, mas maayo og kadtong indibidwal (contact tracer) nga napa-ilawom sa training ang mohatag sa insaktong impormasyon labot sa contact tracing.
Segun ni Kapitan Calamba, posibleng mahitabo hinuon ang away ilabina kung unverified report ug walay klarong impormasyon ug makahatag hinuon kini og kagubot sa usa ka komunidad.
Matud ni Kapitan Calamba, aron mas mapadali ang contact tracing sa kabarangayan kinahanglan nga update tanan ang mga lumolupyo, ipa-ilawom sa census, motabang usab ang mga Purok Leader pag-update aron dali ma-identipika kung adunay kaso sa COVID-19.
“Dako gyod ni sya’ng problema kung di mahandle og tarong… posibleng mahimong dakong away labaw na pod didto sa apektadong pamilya kung mag chismis unya karon unverified nga report mahitabo gyod awayon ug sulongon sya ug maka-cause og trouble sa community,” segun ni Calamba.
RadyoMaN Don Pulayao
