COVID-19 Community Transmission, gideklara sa Zamboanga Del Sur.

21

Pagadian City – Gikumpirma sa Zamboanga Del Sur COVID-19 Inter-Agency Task Force nga duna nay community transmission sulod sa probinsya human mamatikdan ang pagtaas sa mga positibong kaso sa virus nga walay travel history ug exposure sa mga kumpirmadong covid-19 case.
Gipahayag ni Dr. Anatalio Cagampang Jr., provincial health office, nga ang mga bag-ong kumpirmadong kaso sa COVID-19 naggikan sa lungsod sa Dimataling, Molave, Labangan ug Mahayag.Natala usab kagahapong adlawa ang pinakaunang mortality kun COVID-19 related death sa lalawigan diin usa kini ka Pakistani nga nakapuyo na sa Mahayag ug sobra usa ka bulan.
Matud pa sa impormasyon sa ipho, ang maong foreigner na-admit sa usa ka pribadong hospital sa Pagadian kaniadtong September 27, 2020, human nawad-an kini ug panimaho ug panlasa gawas pa nga usa siya ka dialysis patient. Nakuhaan kini ug swab sample apan namatay kini pipila ka oras human maospital ug nakumpirma nga positibo sa virus kagahapong adlawa.
Dugang pa ni Dr. Robert Capatoy, spokesperson sa COVID-19 task force sa lalawigan, nagkadaghan usab ang mga covid suspects ug covid probables sa ZDSMC ug Margosatubig, Regional Hospital diin nagpakita kini ug mga sintomas nga dakog puruhan nga COVID -19 infection.
Sa pagkakaron aduna nay 9 ka aktibong kaso sa COVID-19 sa Zamboanga Del Sur, samtang 67 kabuok ang naulian sa maong sakit.

Facebook Comments