Davao City- Mokabat sa 47 ka mga patayng lawas nga may kalambigitan sa coronavirus ang napa-cremate karon sa lokal nga panggamhanan sa Davao.
Matud kang Davao City Mayor Sara Duterte-Carpio nga aduna pay igong pondo sa syudad gikan sa Bayanihan Grant para sa cremation sa mga cadavers nga girekomendar sa Southern Philippines Medical Center kun SPMC.
“Nag-andam ta for 300 kabuok cadavers naa pa lang ta sa 47 out of 300 na budget nato for cremation,” segun ni Mayor Sara.
Matud niini nga kung musobra man sa 300 ang mga kinahanglang i-cremate, mangita’g paagi ang dakbayan para ma-budgetan kini tungod kinahanglang tumanon ang mando sa mga doktor nga sulod 12 ka oras ma-cremate ang mga COVID-19 nga mga pasyente.
Sa pagkakaron usa ra ka crematorium ang gagana hinungdan nga aduna pay 12 ka pending for cremation ug usa pa ra ang maprosesong patayng lawas.
Matud sa Mayor nga sa Mayo 3 pa maka-operate og balik ang usa ka crematorium.
RadyoMaN Aimee Guinita
