IGaCoS – Nagduda karon ni Island Garden City of Samal (IGaCoS) Mayor Al David Uy nga aduna nay nakasulod nga laing variant sa Coronavirus Disease 2019 (COVID-19) sa isla.
Matud ni Uy (sa interbyu sa city-owned radio), wala pay opisyal nga kumpirmasyon gikan sa Department of Health (DOH) kabahin niini apan sulti niya nga posibleng aduna nay laing variant sa COVID-19 tungod sa nagkataas nga kaso nga natala sa lugar.
“So far, wala pa man ‘mi nadawat nga confirmation from the DOH nga naa nay Delta variant pero sa tan-aw nako naa na eh. Sa tan-aw nako, ang majority gyud sa variants diri sa Samal is the Alpha and I think the South African siguro baka naa na,” sulti ni Uy.
Gibutyag usab sa alkalde, kapin napulo (10) ka mga personahe sa Task Force (TF) Samal ang nagpositibo sa COVID-19 ug gi-quarantine karon sa ilang headquarters ug nagpaabot na lamang nga i-swab ang mga nakauban ug nahimamat sa mga pasyente.
RadyoMaN Kirby Manzon
