Davao City – Tungod sa nagkataas nga kaso sa household infections gumikan sa Coronavirus Disease 2019 (COVID-19), miabot na karon sa 466 ka mga balay sa syudad sa Davao City ang gi-lockdown.
Matud ni Davao City Mayor Sara Duterte-Carpio (sa interbyu sa city-owned radio) nga gawas sa house lockdown, anaa usab sa 17 ang naka-lockdown nga buildings, 6 ka compounds ug 1 ka eskwelahan subay sa pinakaulahing datus.
Matud sa alkalde nga sa report gikan sa mga contact tracer, nagasugod ang COVID-19 transmission sulod sa trabahoan ug nagapadayon ang takod sa virus sulod sa panimalay.
Nasayrang nahilakip sa mga naka-lockdown karon mao ang City Assessor’s Office sa Sangguniang Panglungsod (SP) building diin 16 ang nagpositibo sa COVID-19.
Padayong gipahimangno ni Duterte-Carpio nga kanunayng sundon ang mga health ug safety protocols batok COVID-19 bisan pa man niadtong mga nabakunahan na.
“Mag-remind lang ta sa mga tao nga dili tungod kay fully vaccinated na mo, naka 2 doses na mo, that will protect you from COVID-19. It is important to always remember nga kinahanglan gihapon mo musunod sa minimum public health standards,” sulti sa mayor.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
