Davao City – Nanawagan ang usa ka opisyal sa City Government of Davao nga dili i-discriminate ang mga indibidwal nga naggikan sa kaulohan o gikan sa abroad nga gikonsiderang Persons Under Monitoring (PUMs) sa Coronavirus Disease 2019 (COVID-19).
Sa interbyu sa DXDC RMN Davao kang Davao City Councilor Joselle Villafuerte, gisaysay niini nga dili angay awayon o i-post ang mga pangalan sa nahisgutan diha sa social media.
“Dili nato awayon ang atong silingan nga gikan lang sa Manila, awayon ang atong silingan nga OFW. Dili na ipadula ang atong mga anak sa mga anak nila. This is an act of discrimination. So they do not deserve to be treated like that,” saysay ni Villafuerte.
Gisiguro ni Villafuerte sa publiko nga ginahimo sa lokal nga gobyerno ang pagpatuman sa mga protocols, measures ug guidelines aron kalikayan ang pagkatag sa COVID-19.
Nasayran nga sa mga Dabawenyos mamahimo nilang i-pahibalo ang ilang mga concerns labot sa COVID-19 sa mga numero, sa Globe hotline, 0917-508-6548, Smart hotline, 0919-071-1111, landline number, (082) 244-0181 o sa email address, covidtf@davaocity.gov.ph.
RadyoMaN Kirby Manzon
