COVID-19 patients sa NMMC, niubos

PC: CdeO CIO

Niubos ang ihap sa mga COVID-19 patients nga gi-admit sa Northern Mindanao Medical Center o NMMC, ang nailang COVID-19 referral hospital sa Region 10.

Matud ni Dr. Gina Itchon, Chairperson sa Research and Development Committee sa NMMC nga naa sa 403 lamang ang gi-admit sa maong ospital gikan Septiembre uno hangtud 22 kumpara sa 914 COVID-19 patients niadtong Agosto uno hangtud 31 ning tuiga.

Gibutyag usab ni Dr. Itchon nga naa sa 86 o 64.7% gikan sa 130 ka admitted Covid-19 cases sa NMMC as of September 23, 2021 ang gikonsiderang severe samtang 23 o 17.3% usab ang moderate, 15 o 11.3% ang mild ug siyam o 6.8% usab ang kritikal.


Facebook Comments