Weather Update! Mindanao, makasinate og mga pag-ulan tungod sa LPA

PC: CDRRMD- Oro Rescue

5:45 AM 25SEPTEMBER2021

 

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay Low Pressure Area (LPA) sulod sa Philippine Area of Responsibility (PAR) kini anaa sa gilay-ong 230 km Sidlakan (East) nga bahin sa Davao City ganihang 3:00 sa buntag.

 

Samtang ang Bagyo (International name Severe Tropical Storm MINDULLE) gawas sa PAR anaa sa gilay-ong 1,725 km Sidlakan (East) nga bahin sa Central Luzon; kakusgong 135 kph; ug paglihok nga 20 kph sa Amihanang-kasadpan (Northwest). Ang Bagyo DAKO ang tsansa nga mo-sulod sa PAR karong Lunes (27 September) o Martes (28 September) ug nganlang Bagyong “LANNIE”.


 

Ang tibuok Mindanao makasinati sa mapanganuron nga kalangitan inubanan sa katag-katag nga pag ulan, kilat ug pagpanalugdog tungod sa Low Pressure Area (LPA).

 

Hinay (light) ngadto sa kasarangan (moderate) nga hangin gikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Walay pag ulan sa Cagayan de Oro karong orasa.

 

Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

 

Facebook Comments