Davao City – Hitsas na ang Davao City Overland Transport Terminal (DCOTT) bisan pa man dili madayon ang mga biyahe sa bus karong adlawa (May 25, 2020).
Gibutyag ni DCOTT Manager Aisa Usop, giplastar na nila ang mga preventive measures kontra COVID-19.
Dugang pa nga nagbutang na sila og mga directional signs alang sa social distancing sa mga pasaherong musulod sa terminal.
“Dinhi sa Davao ready na unta gyod kaayo ta. Naa tay mga thermal guns, foot bath gipang-ready na gyod na nato even actually sa atoang mga bus operators, with our coordination with the LTFRB magbutang sila’g foot bath sa ilahang hagdanan, ang ilahang driver butangan nila’g cellophane mura’g sa mga tindahan nga naay ali ug face mask,” segun ni Usop.
Gibutyag ni Usop nga limitado ang mga tao nga pasudlon sa terminal ug kontrolado ang mobiyaheng mga bus.
Nangayo usab og pagsabot ang DCOTT sa publiko tungod kinahanglan pang ipahiluna sa mga kasikbit nga mga probinsya sa Davao ang mga measures ug pasilidad kontra sa COVID-19.
RadyoMaN Aimee Guinita
