Davao City – Gibutyag sa Police Regional Office (PRO-XI) nga nabutang sa Top 4 ang Davao Region sa adunay pinaka-ubos nga kaso sa infected sa Coronavirus Disease 2019 (COVID-19) sa han-ay sa kapolisan.
Sa interbyu sa DXDC RMN Davao kang Police Major Eudisan Gultiano, Spokesperson sa PRO-XI, giklaro niini nga sa datos sa October 19, 2020, anaa lamang sa 65 total COVID-19 confirmed PNP personnel apil na ang Non-Uniformed Personnel (NUP), samtang anaa na lamang sa pito (7) ang aktibong kaso sa kasamtangan.
“Iko-confirm lang natin na ang PRO-XI ay hindi kasama doon sa top na mga regions na may pinakamaraming COVID-19 positive. In fact, nandun tayo sa isa sa pinakamababa na region na may COVID positive,” tataw ni Gultiano.
Gibutyag ni Gultiano, ang National Capital Region (NCR) ang nanguna sa pinakadaghang kaso sa han-ay sa pulis nga adunay kapin 3,000, gisundan sa Calabarzon nga adunay kapin 900 cases, ug Region 7 nga adunay kapin 500 ka kaso.
Sa pagkakaron, padayon ang pagpakusog sa PRO-XI sa ilang kampanya batok COVID-19 ug karong semanaha inagurahan ang pinaka-unang RT-PCR (Reverse Transcription–Polymerase Chain Reaction) Molecular Laboratory sa Davao Region diin prayoridad sa pasilidad ang mga police personnel ug mga medical frontliners, dili lamang sa rehiyon kundi sa uban pang rehiyon sa Mindanao.
RadyoMaN Kirby Manzon
