Davao del Norte – Nagpatuman og mas istriktong implementasyon sa health protocols ang Davao del Norte sa padayong pagsaka sa ihap sa COVID-19 Delta cases.
Sa eksklusibong interbyu sa DXDC RMN Davao kang Davao del Norte Governor Edwin Jubahib, gibutyag niini kini aron malimitahan ang mga non-essential movements sa mga tawo sa entero probinsya.
Gimanduan sa gobernador ang tanang mga Local Chief Executives nga hugot ipatuman ang Minimum Public Health Standards sama social distancing, mandatory nga pagsuot sa face masks ilabina sa pampublikong mga lugar ug striktong pagbantay sa mga awtoridad aron masigurong walay mahitabong mass gathering o panagtapok.
Matud ni Jubahib, gi-intensify usab nila ang efforts sa inoculation ug ginahanglang mabakunahan gayod ang mga anaa sa vulnerable sectors aron mahataga’g proteksyon batok COVID-19.
RadyoMaN Aimee Guinita
