COvid-19 sa Bacolod, malala na suno sa bise-alkalde

10

Halos katunga na sang kabarangayan sa Bacolod ang apektado sang COVID-19 kag nagalala na ang sitwasyon sa ciudad.


Ini ang ginpahayag sa DYHB ni Vice Mayor El Cid Familiaran may angut sa padayon nga nagasaka sang coronavirus sa Bacolod.

Suno kay Familiaran nga chairman man sang Bacolod Inter-Agency Task Force, nagalala na ang COVID-19, madasig na ang local transmission kag ang mga frontliners kaangay sang mga doctors kag nurses ang exhausted na.

Mangin ang Corazon Locsin Montelibano Memorial Regional Hospital sa diin nahamtang ang molecular laboratory sang ciudad ang apektado naman sa diin masobra 30 na ka personnel sini ang infected sang coronavirus.

Dugang pa ang Bacolod City Police Office (BCPO) sa diin may mga opisina man nga gin-lockdown bangud sa nagpositibo man sa ila hanay.

Ginalantaw man sang bise alkalde ang kakapoy sang frontliners nga rason sa pagka-atrasar sang pag-release sang mga data kag mangin sang pag pick-up sa mga nagapositibo sa virus.

Sa pinakaulihi nga datos, may yara na sang 403 confirmed cases sa Bacolod as of August 12.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments